DAVAO CITY – Mapasalamaton si Dr. Ricardo Audan, OIC sa Southern Philippines Medical Center (SPMC) nga dyutay nga miubos ang bed occupancy sa hospital sa mga nagpositibo sa Covid-19 sa milabay nga mga adlaw.
Sumala pa kang Dr. Audan nga gikan sa 100 percente nga occupancy rate, miubos kini sa 76 percent.
Apan misaka sumala pa karon ang ihap sa mga pasyente sa ilang isolation ward nga anaa sa karon sa 91 percent.
Samtang gitino sab ni Dr. Audan nga adunay pipila na ka mga private hospital sa siyudad ang nagadawat ug covid-19 patient apan kadtong dili grabe ang kahimtang.
Samtang kadtong mga pasyente nga anaa sa moderate, critical ug seryoso ang kahimtang kinahanglan nga dad-on kini sa SPMC sanglit anaa sa balay tambalanan ang tukma nga mga pasilidad nga kinahanglan nga gamiton.
Kinahanglan sab sumala pa nga ilahi kadtong mga pasyente nga mild ug asymptomatic.
