-- ADVERTISEMENT --
Balhog sa prisohan ang usa ka babaeng beautician human sa gikasang buy bust operation sa Baguio Police Station ug PDEA XI sa Brgy. Gumalang, Baguio District ning dakbayan sa Davao.
Subay sa imbestigasyon sa kapulisan, naila ang dinakpan nga si Alias INDAY’, 50 anyos ug residente sa Barangay Lamanan Calinan ning syudad. Atol sa maong operasyon, nakuha gikan sa posisyon sa dinakpan ang 1.31 grams sa shabu nga nagkantidad og P25,000 , buy-bust money, ug Black Huawie android cellphone.
Gikustodiya na karon ang nahisgutan sa buhatan sa Baguio PNP ug gipasakaan na og kasong kalapasan sa RA 9165 o Comprehensive Dangerous drug Act of 2002.
