DAVAO CITY – Gihikay na ang kaso batok ngadto sa bakla nga bugaw nga nadakpan sa mga tinugyanan sa balaod gumikan sa pagbugaw niini sa tulo ka mga babayeng menor de edad dinhi sa dakbayan sa Davao.
Nadakpan ang usa ka Ariel Aguilon, nga residente sa Cateel, Davao Oriental.
Sa Cabaguio diin si Aguilon mibogaw sa usa ka alyas Jean ngadto sa usa ka customer bugti sa tres ka pesos nga kantidad sa salapi.
Gi-angkon ni Aguilon nga nagapambogaw siya ug dunay bahin nga usa ka libo ka pesos sa matag babaye. Labihang mahaya ni Aguilon sa nahimong kasaypanan.
Sumala pa kang Police Chief Inspector Hamlet Lerios, hepe sa Sta. Ana PNP subay sa intelligence report nga ilang nadawat, dugay na nga nasayran nila nga nagabogaw ug babaye si Aguilon, apan na-alarma na sila sa dihang nasayran nga lakip sa ginabugaw sa suspek ang mga menor de edad.
Sa paglapas sa Republic Act 9208 kon Anti-Trafficking in person ang kaso nga atubangon ni Aguilon.
