Giduso karon sa Kamara de Representante ang Bayanihan 3, usa ka full package nga gitumong sa paghatag og tabang sa mga Pilipino nga naapektuhan sa grabe nga krisis sa lana tungod sa giyera sa Middle East.
Sumala kang Marikina City 2nd District Representative Miro Quimbo, daghan nang mga miyembro sa House ang mipahayag og suporta sa maong panukala, uban sa pagpanguna ni Speaker Faustino Dy.
Sa pagkakaron, adunay na draft alang sa Bayanihan 3 apan giayo pa ang pipila ka mga probisyon niini, tungod kay gusto sa House leadership nga kini mahimong long-term solution ug dili lamang temporaryong tubag sa problema.
Gipasabot sa mambabatas nga tumong sa Kamara ang paghimo og epektibong solusyon aron matapna ang kanunay nga sitwasyon nga kung mosaka ang presyo sa produktong petrolyo sa global nga merkado, mosaka usab ang presyo sa lana sa lokal nga merkado sa Pilipinas nga hinungdan sa pagsaka usab sa presyo sa ubang batakang palaliton.
