DAVAO CITY – Pormal ang gilulsad ang usaka kalihukan nga manguna sa pagdasig kang special assistant to the president Bong Go nga modagan sa pagka-senador sa umaabot nga eleksiyon.
Ang nahisgutang grupo ang gipa-ila-ila sa tawag nga Bayan for Bong Go Movement nga gipangunahan ni undersecretary for barangay affairs Martin Denio kauban ang dul-an 1,500 ka mga volunteers diin kadaghanan mga barangay ug local government officials nga naggikan sa regions 1, 2, 3, 4, ug sa mga rehiyon sa Mindanao, lakip ka kadtong gikan sa Autonomous Region in Muslim Mindanao.
Gikanayon ni Denio nga angayan gayud nga mapahimutang sa senado si Go gumikan kay daghan na kini ug kasinatian kung hisgutan ang serbisyo publiko ug labaw sa tanan duol ang kasingkasing niini sa mga kabus ug mga matibanganon sa mga nanginahanglan.
Gipasalig usab sa Lega ng mga Barangay nga tibuok ang suporta nga ilang ihatag sa kandidatura ni sec Go.
Samtang, gikanayon usab ni SAP Go kinsa tua sa China kauban ni pangulong Rodrigo Duterte nga dako ang iyang pasalamat sa pagsalig nga gihatag kaniya sa katawhan, apan padayon kiniing mihangyo nga hatagan una siya ug igong higayon aron timbang-timbangon ang panawagan sa iyang pagdagan sa pagka-senador.
Kahinumduman nga una nang gikanayon ni Go nga posibling mopagawas siya ug desisyon sa bulan sa Setyembre tuig kasamtangan.
Gikanayon sa mga organizers nga plano nilang himuon ang sunod nga road show sa Isabela o kaha sa Ilocos.
