DAVAO CITY – Gidoble pa ang monitoring karon sa kapulisan sa San Pedro Police Station ug Sta. Ana Police Station human nga ilang nasayran nga migara na sab karon ang gitawag nga “Battery gang” sulod sa ilang area of responsibility (AOR).
Kahinumduman nga una ng nagpatala sa iyang reklamo ang usa ka alyas Reynaldo, 49 anyos, Barangay 5-A, Bankerohan ning dakbayan, usa ka ka driver human nga gikawat ang baterya sa iyang sakyanan nga iyang giparada sa Del Pilar Street, Bo. Obrero ning siyudad.
Gani plano pa sa suspek nga kuhaon ang lain pang 12 volts nga battery sa lain pa nga sakyanan nga nakaparada apan wala nagmalampuson ang mga suspetsado.
Dugang imbestigasyon ang gipahigayon karon sa otoridad aron nga daling mailhan ang mga responsable niini.
