DAVAO CITY – Gikanayon ni Philippine National Police chief Ronald Dela Rosa nga kung siya lamang ang matuman, buot niya nga hingpit na nga mapatuman ang hinabing pangkalinaw aron nga malikayan ang pagbanaw sa dugo tali sa mga rebelde ug mga sakop sa kagamhanan.
Tipik lamang ang pahayag sa opisyal human ang kamatayon sa upat ka mga police officers sa lungsod sa Bansalan niining milabay nga adlaw.
Gitataw sab ni Dela Rosa nga angayan lamang nga seryosuhon ang peace talks ilabi na nga daghanan na ang mibuhis ug kinabuhi. Kung ipadayon sumala pa ang maong lakang, angayan nga sensero ug determinado ang duruha ka grupo.
Kahinumduman nga grupo sa New People’s Army Front Committee 51 ang gitudlong mi-ambush sa mga pulis nga igo lamang miresponde sa crime incident sa Barangay Sibayan nga gilangkuban nila ni Police Officer 3 Jayden May Rabor sa Scene of the Crime Operatives Digos City ug PO1 Rholly Benelayo, PO1 Saro Mangotara ingon man PO1 Joey Narvaza sa Bansalan Municipal Police Station.
Bisan nga wala pay gihatag nga pahayag ang grupo sa mga rebelde, nagtuo si Dela Rosa nga ang nahisgutan nga grupo ang reponsable sa pagpangatake ilabi na nga dili lamang sumala pa kini ang unang higayon nga gihimo kini sa mga NPA.
Gipahimangnoan sab niini ang mga sakop sa kapulisan nga kinahanglan masayod kini sa ilang working envirinment ilabi na kung muresponde sa usa ka lugar nga posibleng mabutang sa risgo ang ilang kinabuhi.
