Gipahayag sa Department of Social Welfare and Development (DSWD) nga usa na usab ka child beneficiary sa Pantawid Pamilyang Pilipino Program (4Ps) ang nahilakip sa mga gipasegarbong Pantawid Pamilyang Pilipino Program o 4Ps sa DSWD homan kini ang nahimong topnotcher sa bag-uhay pa lamang natapos nga September 2024 Social Worker Licensure Examination (SWLE).
Gipahayag ni DSWD Spokesperson Asst. Secretary Irene Dumlao, nalipay sila nga ipaambit ang laing former monitored child sa ilahang poverty alleviation program ang nakakuha sa top spot sa licensure exam sa social workers sa mukabat sa 7,000 ka mga examinees.
Matod pa sa DSWD, nagagikan sa Camaklig, Albay si Sheena Magdato Obispo ug nakakuha kini sa pinakataas nga gradong 87% sa bag-uhay pa natapos nga SWLE nga gidumalahan sa Board for Social Workers sa National Capital Region, Baguio, Cebu ug Davao niadtong September 16-18.
Nahilakip ang pamilya ni Sheena sa Set 5 Program beneficiary sa DSWD 4Ps program.
Gikalipay ni DSWD Asst. Secretary Dumlao, ang pagka-top 1 ni Sheena ug gikanayon niini nga usa na usab ka pagpamatuod ang ka-importante sa programa nga mapataas pa ang panginabuhi sa mga benepisyaryo niini.
Sa kasamtangan, usa si Sheena sa pinakabag-ong nadugang sa mga kanhi monitored children nga nanguna sa nagkadaiyang licensure examinations, ug ang pinakaulahi mao si Khane Jevie Rose Solante Cervantes nga nagagikan sa Cateel, Davao Oriental nga nag-top 1 usab sa nakalabay nga May 2024 Licensure Examination for Teachers (LET) in Elementary level.
Sukad nga gisugdan sa DSWD ang pag-monitor sa mga kanhi 4Ps children, mitala na ang ahensya ug 36,000 ug former child beneficiaries nga pulos nakapasar sa nagkadaiyang board examinations ug halos 53 sa mga nahisgutan ang nahilakip sa top 10.
