DAVAO CITY- Sikop ang usa ka batan-on kaganihang kaadlawon sa Prk. 9, Coner Lapu-lapu St. Barangay Aplaya, Digos City.
Subay sa report sa kapulisan, giila ang dinakpan nga si alias “KENNETH” 25-anyos usa ka painter, residente sa Chapter 4, Barangay Aplaya, Digos City ug gikonsidera nga usa ka Street Level Individual.
Sumala pa sa kapulisan nga samtang nagpahigayon ug Oplan Bakal Sita atol sa gipahigayon nga pagpatrolya gamit ang motorsiklo ug mobile patrol ang suspek nagsakay sa iyahang motor nga gikan sa bar nga naglatas kini sa highway, gipara kini human nga walay tabon ang motorsiklo ug walay side mirror ug lakip ang wala pagsuot ug helmet.
Gipangayo sa pulis ang driver’s license tungod sa kasupakan sa RA 4136. Apan sa pagkuha niini sa pitaka human nga gikuha ang lisensya adunay natagak sumala pa nga pipe nga adunay shabu residue nga gikonsidera kini nga Drug Paraphernalia, samtang nakumpiska sab ang duha ka pakete nga adunay residue usab sa shabu.
Nakumpiska sab ang disposable lighter nga adunay dagom nga nga giputos sa aluminum foil, ug cellphone nga Android.
Gikustodiya sab sa kapulisan ang usa ka Honda Beat nga motorsiklo gumikan gigamit kini sa suspetsado.
Sa karon ang dinakpan ang gikatakda na nga pasakahan ug kaso nga pagsupak sa RA 9165.
