Wala damha sa kabanay sa usa ka 21-anyos nga lalaki nga namatay kini tungod lang sa ilahang gibuhi nga kapayas sa ilahang tugkaran human nga natumba samtang nanghugas og plato ang biktima.
Sa report sa mga otoridad, nahitabo kini sa Sagñay, Camarines Sur nga sumala pa sa hepe sa kapulisan nga si PMajor Michael Albania, Chief of Police sa Sagñay PNP, sa ilang outdoor kitchen matud pa nanghugas og plato si Jason Bañaria samtang nag-ulan ug dinhi natumbahan ug punuan sa kapayas nga mi-igo sa iyang li-og hinungdan sa iyang pagkatumba.
Hilabihan sumala pa ang pagkabunal sa iyang nawong sa bato rason nga nakuyapan kini.
Gidala pa ang biktima sa Tigaon Primary Hospital apan wala na kini masalbar.
Miguwa sa autopsy report nga naka-angkon ang biktima ug mga fractures ingon man internal bleeding nga maoy hinungdan sa iyahang kamatayon.
