DAVAO CITY – Pasakahan na ug kaso ang usa ka batan-on kansa nadakpan human nga nalambigit sa ginadili nga druga. Kahinumduman nga balhug karon sa presohan ang 20 anyos nga nailang John Carlo Quijano, residente sa Brgy. 15-B ning dakbayan sa Davao.
Sa imbestigasyon sa kapulisan, naglatagaw ang nahisgutan pasado alas 10:00 sa gabii ug dihang gisita ug girikisa kini sa barangay agawad ug mga tanod nga nagpatrolya, narekober sa iyang posisyon ang marijuana nga iyang gisuksok sa bulsa.
Gi-angkon sa dinakpan nga 18 anyos pa lamang siya dihang nagsugod siya sa paggamit ug pinaugang dahon sa marijuana.
Nagpabilin karon sa presohan sa San Pedro PNP ang dinakpan diin pasakahan kini ug kasong kalapasan sa Republic Act 9165 kun Comprehensive Dangerous drugs act of 2002.
