DAVAO CITY- Pasakahan na ug kaso ang usa ka estudyante nga nasikop sa gilusad nga drug buy bust operation sa mga sakop sa Philippine Drug Enforcement Agency (PDEA) 11 human nga namaligya kini ug marijuana.
Una ng gilusad ang operasyon sa Catalunan Grande Road, Catalunan ning siyudad diin malampuson nga nasikop ang suspek nga nailang si Igil Cuizon Po, 22 anyos, ulitawo ug residente sa Skyline Village, Catalunan Grande, Davao City.
Nakuha sa posisyon niini ang usa ka pakete sa “Marijuana” nga giputos sa cellophane ug motimbang ug kapin kun kulang (60) grams o kantidad sa Php. 7,000 sa PDEA Agent nga nagpaka-aron ingnon nga poseur buyer.
Narekober sab sa posisyon niini ang buy-bust marked money ug boodle money atol sa operasyon.
Kasamtangan karon nga gipaslak sa presohan sa PDEA Regional Office XI detention facility ang suspek samtang ang mga illegal drugs nga nakumpiska gikan sa ilang posisyon ang isumite sa Laboratory Service aron nga ipailalom sa examination.
Kasong kalapasan sa Republic Act 9165 o Comprehensive Dangerous Drugs Act of 2002 ang atubangon sa dinakpan.
