Nagpadayon karon ang pag-imbistiga sa kapulisan kabahin sa nakaplagan nga usa ka bag-ong gipanganak nga batang lalaki kagahapon pasado alas Singko sa hapon sa Lanzona Subdivision, Matina Aplaya, ning dakbayan sa Davao.
Subay sa report sa mga otoridad, nakit-an sa mga residente ang bata nga gisulod sa usa ka paper bag nga aduna pa’y pusod. Samtang adunay gibilin usab nga sulat nga nag-awhag sa mga makakita sa bata nga atimanon kini og panggaon. Naghatag usab og pangalan ang wala masayri nga ginikanan nga ang pangalan sa bata mao si “Brian Drake” ug nihangyo pa kini nga dili pulihan ang maong pangalan.
Gisaysay usab sa nagbilin sa bata nga ilaha sumala pa kining gibilin tungod dili sila makahimo sa pagpadako og pag-atiman. Sa hinapos nga mensahe, nangayo kini og pasaylo sa pagpasa sa responsibilidad ngadto sa laing tawo. Sa karon ang bata ang anaa na sa pag-atiman sa hingtungdan nga ahensya sa kagamhanan.
