Gitubag ni Davao City Acting Mayor Sebastian ‘Baste’ Duterte ang mga pahayag ni Philippine National Police (PNP) Chief PGen. Nicolas Torre III nga buhaton na lang nga charity boxing match ang ilang gi-propose nga away aron matabangan ang mga biktima sa bagyo.
Matod pa ni Mayor Baste, nga dugay na sumala pa kining nanghinam-hinam nga makakulata og unggoy ug ngano sab nga kinahanglang gamiton pa ang kasamtangang sitwasyon sa Maynila aron lang modawat og hagit ang hepe sa iyang giisyo nga away.
Samtang, naglatid usab og kondisyon ang alkalde ngadto sa hepe, diin iyang giingon nga kung sultihan ni Torre ang Presidente nga ang tanang opisyal kinahanglan moagi sa hair follicle drug test, ug kon matuman kini, andam na siya nga modawat sa maong boxing match.
Kahinumdumang, gitubag ni Philippine National Police (PNP) Chief General Nicolas Torre III ang nauna nang hagit ni Davao City Mayor Sebastian “Baste” Duterte sa usa ka boxing match.
Matod ni Torre, imbes personal, mahimo na kining “charity boxing match” nga makaayo sa mga naapektuhan sa bagyo ug baha.
Matod ni Torre nga mahimo nilang ipahigayon ang maong ’12-round charity boxing match’ karong Domingo.
