Walay pagpanagana si World Boxing Council (WBC) champion Mario Barrios sa pag-angkon nga siya ang gikulbaan sa umaabot niining away batok sa Pinoy boxing legend nga si Manny Pacquiao.
Matod pa ni Barrios, nasayod siya sa kadungganan ug kailado ni Pacquiao, hinungdan nga gipalig-on ug gipaningkamotan niini ang iyang training aron maandam sa ilang panag-atubang.
Gipamugos pa sa 30-anyos nga Mexican boxer nga dili kini motugot nga mapildi kini sa gitawag nga legendary status ni Pacquiao.
Sa laing bahin, padayon usab ang hugot nga pagbansay sa kampo ni Pacquiao, ug nagkataas ang intensity niini samtang nagkadool ang petsa sa ilahang panagsangka.
Adunay rekord si Pacquiao nga 62 ka mga daog, 8 ka mga kapildihan, ug 2 ka tabla, lakip ang 39 ka mga knockouts.
Samtang si Barrios adunay 29 ka mga daog, 2 ka mga kapildihan, ug 18 ka mga knockouts.
Ang katapusan nga sangka ni Pacquiao kaniadto pang 2021, diin napildi kini ni Yordenis Ugas.
Ang ilahang panagsangka nga panag-atubang ipahigayon karong Hulyo 20 sa MGM Grand, Las Vegas.
