Gipadayag sa aktor nga si Baron Geisler ang iyang kaugalingong kasinatian batok sa usa ka giingong hakog nga contractor sa Cebu nga kuno konektado sa usa ka iladong politiko, samtang nagpadayon ang imbestigasyon bahin sa mga iregularidad sa flood control project.
Giingon ni Geisler sa usa ka Facebook post niadtong Agosto 25 nga wala gitapos sa contractor ang ilang proyekto sulod na og kapin duha ka tuig, bisan pa nga nabayran na kini sa tibuok kantidad.
Dugang pa niya, posible kuno nga gigamit sa kampanya ang kwarta nga ilang gibayad, apan napilde gihapon ang maong politiko.
Wala niyang ginganlan ang contractor o ang politiko, apan adunay mga ngalan nga nagpakita sa comments section sa iyang post nga mahimong may kalabutan sa iyang reklamo.
Nigawas ang pamahayag sa aktor samtang gisubpoena sa Senado ang mga contractor nga wala mitambong sa imbestigasyon kalabot sa flood control fund anomalies, sumala ni Senate President Chiz Escudero.
