-- ADVERTISEMENT --

Gipakasad-an sa artista nga si Baron Geisler ang mga media outlets nga sumala pa niini, nagpakaylap sa sayop nga impormasyon mahitungod kaniya.

Pagpaklaro niini nga ‘okay’ ra siya, ug nangita na og legal advice human matud pa sa pagbuto sa mga sayop nga balita mahitungod kaniya.

Nasayran nga gibuhian sa kapulisan si Baron human kini napriso sa dakbayan sa Cebu sa makadyot kaniadtung Sabado.

Sumala sa report sa Bombo Radyo Cebu nga gikumperma matud pa ni Mandaue City Police Office Spokesperson Police Lieutenant Colonel Mercy Villaro nga gidala matud pa sa kustudiya sa kapulisan ang maong artista gumikan sa gihimo niini nga public disturbance samtang hubog.

Mismong mga bayaw matud pa niini ang nagpapriso kang Gaisler.

-- ADVERTISEMENT --

Apan, sumala sa kapulisan, wala matud pay naangol sa pagpanghasi niini.

Sumala pa nga gibuhian ra kini human nakapyansa og P500 nga penalty sa paglapas sa Mandaue City Ordinance 11-2008-434 kon drunkenness or severe intoxication.