DAVAO CITY – Hingpit nga napasakahan na ug kaso sa City Prosecutors Office ang 34 anyos nga barangay tanod nga nagdala-dala ug armas atol sa pagtagbo sa bag-ong tuig.
Naila ang dinakpan nga si Marlon Alapa Angnie, lumad nga taga Marawi City ug kasamtangang nanimuyo sa Purok 7, Magallanes St., Barangay 2-A, Poblacion District.
Gipasakahan ang nahisgutan ug kalapasan sa Republic Act 10591 (Comprehensive Law on Firearms and Ammunition) ug temporaryo karon nga gibalhug sa San Pedro Police Precinct samtang naghulat sa resolusyon sa iyang kaso.
Subay sa reklamo, nagdala-dala sumala pa si Angnie ug .45 nga pistola nga walay igong pagtugot hinungdan nga gireklamo kini sa nagpatrolya nga kapulisan.
Pakyas sumala pa ang dinakpan nga makapakita ug lisensiya sa iyang gidala-dala nga armas.
