DAVAO CITY – Gumikan kay adunay mga barangay sa siyudad nga taas pa gihapon ang kaso sa Covid-19 ug adunay low compliance sa Health protocols, plano karon sa dakbayan sa Davao nga hatagan ang nahisgutan nga mga lugar ug washable face mask.
Ang nahisgutan sumala pa mga Barangay ang gilangkuban sa Bucana ug Agdao diin mamatikdan ang pipila ka mga residente sa lugar nga wala nagsuot ug facemask.
Una ng gibutyag ni Davao City Mayor Inday Sara Duterte-Carpio nga adunay usa ka indibidwal nga misaad sa paghatag ug facemask sa lugar nga dakong tabang aron nga maprotektahan sa mga residente ang ilang kaugalingon sa kagaw.
Kalakip sab sa himuon nga lakang karon sa lokal nga kagamhanan mao ang pagpalig-on sa pagpasabot kung unsa kamahinungdanon ang pagtamud sa Health protocols aron malikayan ang pagtakod-takod sa kagaw.
