Nagpahibalo karon ang DILG-11 ngadto sa katawhan sa Brgy. Sinawilan, Matanao Davao Del Sur alang sa mga interesado nga mahimong mohulip sa posisyon sa pagka-Punong Baranggay, ug sa Pito ka mga Brgy. Kagawad.
Kini ang gipaguwa nga advisory niadtong Hunyo 24 sa nasampit nga ahensya human nga gideklara ang nasampit nga mga posisyon nga bakante human nga gipaguwa ang Notice of Vacancy.
Subay sa kamanduan sa DILG Region-11 ang mga posisyon ang temporaryo nga bakante hangtod nga mahuman ang gikatakda nga tagal sa suspensyon.
Sa maong pahibalo, wala usab gikabutyag sa nasampit nga ahensya ang detalye ug ang rason sa pagbakante sa maong mga katungdanan.
Apan daghan ang nagduda, ilabi na sa mga netizens nga kini nga pahibalo ang adunay kalabutan sa isyu kabahin sa ayuda niadtong nakalabay nga tuig, diin usa ka mabdos nga residente sa Barangay Sinawilan, Matanao ang nireklamo tungod sa ayudang pinansyal nga gikuhaan gikuhaan sa baranggay.
Tungod sa maong reklamo, nag-viral kini hangtod nga niabot kini sa ahensya sa DSDD ug DILG. Sumala sa reklamante, naglinya kini alang sa P10,000 nga ayuda apan giingong gikaltasan sumala pa og P8,500 sa barangay ug P1,500 na lamang ang nahibilin alang sa iyahang kaugalingon.
Dugang sa pagpahibalo sa DILG XI ilahang gipasabot nga sundon sundon niini ang legal nga proseso sa pagpuli sa mga bakanteng posisyon ug siguraduhon ang patas nga pamaagi.Sa pagkakaron, wala pa nagpaguwa og dugang detalye ang DILG-11 kabahin sa maong pahibalo.
