DAVAO CITY – Pasakahan na ug kaso sa Philippine Drug Enforcement Agency (PDEA) 11 ang usa ka kagawad ug bana niini nga nasikop sa gilusad nga drug buy bust operation.
Tipik lamang kini human nga gisugdanan na sa mga tinugyanan ang pagsubay sa mga opisyal sa Barangay nga nalambigit sa ginadili nga droga dinhi sa Davao region.
Una ng nasikop ang usa ka Rahima Guiday, Brgy Kagawad sa Brgy Concepcion Laak ug ang iyang bana nga si Akmad Guiday usa ka Cafgu. Gipatuman sa otoridad ang Search warrant sa pinuy-anan sa magti-ayon sa Purok 4 Brgy. Concepcion Laak Comval niining milabay nga adlaw.
Una ng nakuha sa mga suspek ang 13 gramos sa shabu nga nagkantidad ug 150 libo, 250 grams sa pinaugang dahon sa marijuana nga nagkantidad ug 10 thousand pesos.
Gawas niini, narekober sab sa tinugyanan sa balaud ang mga baril, granada ug mga bala.
Una ng nasayran sa PDEA 11 nga anaa sa tulo ka mga Barangay kapitan ug 8 ka mga Barangay Kagawad ang kalakip sa ilang Drug Watchlist.
