-- ADVERTISEMENT --
DAVAO CITY – Gisubay pa karon ang kinatibuk-ang damyos sa nahitabong pagkasunog sa usa ka Barangay Hall sa 19-B sa Garcia Heights ning dakbayan sa Davao pasado alas-3:00 sa kaadlawon.
Sa imbestigasyon sa otoridad, adunay miulbo sumala pa ang poste duol sa Barangay Hall nga maoy hinungdan nga gilamoy kini.
Hinuon wala matud pay natala nga casualty human ang nahisgutan nga insidente.
Padayon karon ang pahimangno sa otoridad nga kanunay i-check ang mga linya sa kuryente ug uban pa nga mga posibleng hinungdan sa sunog.
Kahinumduman nga sulod lamang karung bulan sa Mayo, ubay-ubay ka mga sunog ang natala sa siyudad diin sagad linya sa kuryente ang gitudlong hinungdan niini.
-- ADVERTISEMENT --
