DAVAO CITY – Naglaum karon si Rovie Bullina, program director sa Bantay Hayop Davao (BHD) nga dili gamiton sa mga kandidato sa mga binuhing hayop sama sa iro ug iring dungan sa pagpangampanya karung panahona alang sa nagsingabot nga eleksiyon sa Mayo.
Tipik lamang kini human nga adunay namatikdan ang grupo nga adunay hayop nga gikoloran sumala pa ug pink.
Nakasaway ang nahisgutan gumikan kay gigamit lamang sa pipila ang emosyon sa mga iro ug wala gihuna-huna ang kaayuhan niini.
Gani aduna sumala pay mga kantidad nga wala naghatag ug solusyon o mga pamaagi arun lamang matubag ang nagkataas nga ihap sa mga iro nga naglatagaw sa kadalanan ug adunay mga indibidwal usab ang dili responsable sa pag-atiman sa ilang mga hayop.
Gani bisan adunay mga polisiya nga gipalabang alang sa animal cruelty apan wala sumala pa kini napatuman.
Subay sa balaud, mamahimong makamulta ang mga indibidwal nga naghimo ug pagpanakit sa mga hayop ug kantidad sa P200,000 hangtud na P300,000 ug pagkabilanggo ug duruha ngadto na sa tulo ka tuig.
Gani bisan nga adunay dog pound facility dinhi sa lokal nga kagamhanan apan wala sumala pa kini na-rehabilitate gumikan sumala pa sa kakulang ug pondo.
Sa kasamtangan, nakiglambigit na sila sa mga nagkadaiyang establisyemento sa dakbayan aron nga ipahibalo sa mga nanag-iya ug hayop nga kinahanglan responsable ang mga nahisgutan.
Sa kasamtangan angayan sumala pa nga pahugtan pa ang pagpasabot sa responsible pet ownership kini arun nga mahatagan sab ug kasulbaran ang suliran sa latagaw nga mga iro dinhi sa dakbayan.
