Ginabisita halos adlaw-adlaw ni South Korean singer nga si DJ Koo Jun Yup ang lubnganan sa iyang namatay nga asawa nga si Barbie Hsu sa Chin Pao San Cemetery sa New Taipei, Taiwan, base sa mga netizens nga nakasaksi mismo sa lugar.
Namatay si Barbie Hsu, na nailhan isip bida sa “Meteor Garden,” niadtong Pebrero 2, 2025 sa Tokyo, Japan tungod sa pneumonia sa edad nga 48.
Gipamatud-an sa usa ka Taiwanese netizen nga personal siyang nakakita kang DJ Koo nga naglingkod sa atubangan sa lubnganan samtang nagtutok sa litrato sa iyang asawa gamit ang tablet.
Gipasalamatan pa sila niini pagkahuman nilang mopahimutang og bulak sa daplin.
Gibutyag sa ubang netizens nga na tanned ang panit ni DJ Koo, timailhan sa kanunay niyang paggawas, bisan pa sa dili maayong panahon.
Gipanghimatud-an pa sa usa kanila nga lahi gyud ang klase sa gugma ni Koo tungod sa iyang walay puas nga presensya sa sementeryo.
Gikumpirma nga nagsugod pag-usab ang ilang relasyon ni Barbie sa 2022 human ang kapin duha ka dekadang pagkabulag, ug gikasal sila niadtong Pebrero sa susamang tuig.
Gipadayag ni DJ Koo sa social media ang kasakit nga iyang gibati sa pagkawala sa iyang asawa na misaka na kuno sa langit ang iyang anghel.
Gipabilin ni DJ Koo ang iyang kalinaw ug pagkamaunongon sa matag bisita, nga gitan-aw sa publiko isip hulmahan sa usa ka tinuod ug walay puas nga gugma.
