DAVAO CITY – Patay ang usa ka babaye human kini giduslak sa iyang bana samtang kini hinanok na natulog tupad sa iyang mga anak sulod sa ilang panimalay sa Sitio Kaltipay, barangay Tucal, Sarangani, Davao Occidental.
Subay sa report, pasado alas 10 sa gabie, Enero 10 ning tuig kasamtangan, malinawong natulog si Rizalyn Jose kauban ang iyang mga anak apan sa wa damhang higayon kalit lamang kining giduslak sa iyang bana gamit ang 10 ka pulgada nga kutsilyo ug daling nakaikyas paingon sa wala masutang direksiyon.
Gisulayan pa ug dala sa balay tambalanan ma apan pa gideklara kining dead on arrival. Subay sa rekord, nailhan ang suspek nga mao si Neritz Tapican Jose alyas Renren, 37 anyos, usa ka mananagat ug residente sa nahisgutang dapit.
Matud pa, sina kon pagpanilos ang rason sa maong pagpanunggab. Kasamtangang nagpahihayon og hot pursuit operation ang kapulisan aron nga madakpan ang maong suspetsado nga mag-atubang og kasong parricide.
via || Bombo BCA & Bombo LJF
