DAVAO CITY – Nakagula na sa balay tambalanan ang usa ka bana nga gidungga sa kaugalingong asawa gumikan sa ilang panag-away. Naila ang biktima nga usa ka Ramil Lumibag Antonio, 30 anyos, residente sa Sitio Lawis, Barangay Bato, Sta. Cruz, Davao del Sur.
Nakahi-agum ang biktima ug mga samad dinunggaban sa iyang tiyan ug likod nga bahin human dunggaba sa iyang asawa nga usa ka Jessa Antonio, 31 anyos, labandera ug residente sa nahisgutan nga dapit.
Nasayran sa gihimong imbestigasyon sa kapolisan nga ang nahisgutan nga biktima nga si Ramil miuli sa ilang pinoy-anan nga labihang huboga ug gikalalis ang iyang asawa hinongdan nga nadunggaban makaduha ka higayon.
Misurender ngadto sa buhatan sa kapolisan ang asawa, apan nagumili sa pagpasaka ug kaso ang bana nga si Ramil nga nadala sa Davao del Sur Provincial Hospital.
Kini ang nag-una nga hinongdan nga si Jessa gibuhi-an na lamang sab gikan sa bilanggo-an.
