DAVAO CITY – Gikumpirma ni Marcelino Escalada, executive director of the program ug general manager sa National Housing Authority, nga ibalik ang Balik Probinsiya, Bagong Pag-asa (BP2) program human kini gisuspende sa milabay nga Hunyo ning kasamtangan nga tuig.
Kahinumduman nga gilangay ang maong programa aron nga hatagan ug prayoridad ang pagbalik sa mga stranded persons sa National Capital Region dungan sa pagpatuman sa travel restrictions sa coronavirus disease pandemic.
Una ng gibutyag ni Escalada nga nagpakita na karon ug kaandam ang lokal government units aron nga dawaton ang mga mopapauli nga mga residente kalakip na sa mga probinsiya sa Leyte, Tacloban City, Zamboanga del Norte, Zamboanga del Sur, Camarines Sur, Lanao del Norte, ug Isabela.
Ilalom sa programa, ang mga recipients makadawat ug government aid sama sa transportation, cash, ug livelihood assistance.
