DAVAO CITY – Nanawagan ang ahensiya sa Overseas Worker Welfare Administration (OWWA) region 11 ngadto sa mga Overseas Filipino Workers (OFWs) dinhi sa Davao region nga pahimuslan ang mga programa sa ahensiya nga Balik Pinas-Balik Hanap Buhay ilabi na kadtong mga nawad-an ug trabaho sa abroad.
Kahinumduman nga pipila ka mga kanhi OFWs ang mipailalom sa orientation isip kabahin sa rekisitos aron nga makapahimulos ang mga nahisgutan sa cash assistance nga P20,000 alang sa mga kwalipikadong OFWs.
Kalakip sab sa ilang tabangan kadtong mga OFW nga nabiktima sa pagpangabuso, distress ug displaced workers ingon man kadtong wala nay plano nga mobalik ug trabaho sa abroad.
Gi-awhag ni Camelo Ayala, Office-In-Charge (OIC) Regional director sa OWWA-11, nga unta pahimuslan sa mga kanhi OFWs ang programa ug mangutana sa ilang buhatan samtang matag adlaw nga Biyernes aduna silay ginapahigayon nga orientation.
