-- ADVERTISEMENT --
Naugdaw ang usa ka balay dihang mihitabo ang sunog sa Purok 3-B, Kabayan Smoky, Barangay Tibungco, Davao City, Nobyembre 1, 2025.
Nadawat sa Bureau of Fire Protection (BFP) Davao ang alarma sa sunog pasado alas-4:00 sa hapon ug girespondehan dayon ang maong insidente hangtod nakontrolar kini human sa pipila ka minutos.
Ginasuta pa sa mga imbestigador ang hinungdan sa kalayo ug ang tibuok kantidad sa danyos sa kabtangan.
Gipahimangnoan usab sa kabomberohan ang publiko nga magmatngon ug siguraduhon nga mapalong ang tanang suga ug kalan ilabi na karong panahona sa Kalag-Kalag, aron malikayan ang susamang insidente.
