Giplano karon nga himuong usa ka tourist spot ang balay ni kanhing Pangulong Rodrigo Roa Duterte, isip pagpasidungog sa iyang kadungganan ug kontribusyon sa nasud.
Sumala pa ni City Tourism Operations Office (CTOO) Head Jenifer Romero, nga aduna na matud pay giandam nga plano alang sa konserbasyon ug rehabilitasyon aron mahimong masiguro nga mapreserbar kini isip heritage site kon museum.
Ang maong inisyatibo kabahin sa kampanya sa lokal nga kagamhanan nga mapalambo pa ang turismo sa dakbayan pinaagi sa pagpasigarbo niini nagapasiugda sa kalambuan sa syudad.
Dugang pa sa plano, nga ang balay buot himuong usa ka gamay nga museo diin ipakita ang mga memorabilia ni Duterte, lakip na ang mga litrato, dokumento, ug personal nga kagamitan sa iyahang pagka-mayor hangtod sa iyahang pagserbisyo isip ika-16 nga Presidente sa Pilipinas.
Gilauman nga daghang lokal ug internasyonal nga turista ang motan-aw ug mobisita sa maong lugar, hilabina kadtong mga nagasuporta sa kanhing Pangulo.
