DAVAO CITY – Gilaraw karon sa Davao City COVID19 Task Force ang pagpatuma ug libreng bakunahan sa mga sementeryo atol sa gilaumang pagdagsang sa mga tawo karung Kalagkalag.
Gikanayon pa sa tigpamababa na si Dr. Michelle Schlosser nga maayo kini nga lakang aron maahwag ang katawhan nga magpabakuna batok COVID19.
Wala pa man hinuon ni nadiskusyonan sa buhatan apan nagpabilin gihapon ang mamahimong pagpatuman ug no mask no entry policy alang sa mga mubisita sa mga sementeryo sa dakbayan.
Ipatuman sab ang pagpasa sa ilang health declaration una pa man makasulod sa sementeryo, ug quarantine alang sa mga nagbaton ug sintomas sama sa hilanat, ubo ug sip-on.
Sa pikas bahin, gipakusgan na sab sa buhatan ang kampanya alang sa pagpabakuna ug COVID 19 vaccines sa mga senior citizens, kana human sa subling pagsaka sa mga nakabsan sa kinabuhi nga anaa sa 50 hangtud 59 anyos ang pangidaron.
Sa mga napulo ka natalang patag gikan Oktubre 2 hangtud 8 karung tuig, pito niini ang gilangkuban sa mga senior citizens, ug unom ang dili pa bakunado.
Padayon ang pakioghimamat sa buhatan sa Office of the Senior Citizen’s Affairs alang sa pag-identipika sa mga unvaccinated pang mga senior citizens.
Subay sa record sa City Vaccination Cluster, anaa sa 106, 880 ka mga elderly ang nakakumpleto sa primary doses, ug 12,304 pa lamang ang nakapabakuna na ug kumpletong booster doses, gikan kana sa 144,000 nga target population sa mga senior citizens diri sa dakbayan.
via || Bombo LJ Florendo
