DAVAO CITY – Wala pay katin-awan kon mahitabo ang ginalaraw sa lokal nga panggamhanan sa Davao City nga bakunahan sa mga sementeryo atol sa Kalag-kalag.
Gibutyag sa tigpamaba sa COVID19 Task Force nga si Dr. Michelle Schlosser, gawas sa mga personahe ug logistics, ginahuna-huna sab ang kaluwasan sa katawhan, ilabi na sa pagbutang ug vaccination areas duol sa sementeryo, lihok sa trapiko ug pagsunod sa mga safety protocols ug security measures.
adayon pang ginatun-an sa buhatan ang maong plano aron pakusgan pa hinuon ang ilang kampanya alang sa pagpabakuna batok COVID19.
Sa pikas bahin, nagbahad na si Davao City Police Office spokesperson na si Maj. Catherine Dela Rey sa mga magbaton ug flu-like ilnesses nga muduao sa puntod sa mga mipanaw karong Todos los Santos nga dili na pasudlon kon masakpan pa lang sa ilang temperature checking.
Dungag niya nga anaa gihapon sa pandemya sa COVID19 ang mamahimong paghinumdom sa mga minatay karong tuiga busa kon ugaling magbaton man ug mga sintomas sa sakit sama sa ubo, hilanat ug sip-on, mas maayong magpaaayo na lamang sa mga panimalay.
via || Bombo LJ Florendo
