DAVAO CITY – Giila karon ang Department of Health, City Tourism Operation Office (CTOO) ug uban pang hingtungdan nga ahensiya sa kagamhanan nga malampuson ang gipahigayon nga Bakuna by the Sea sa Insular ning dakbayan sa Davao diin gihatagan ug prayoridad sa pagbakuna kadtong anaa sa tourism sector ug uban pang essential workers.
Nasayran nga naangkon karon sa ahensiya ang 6,844 ka mga indibidwal nga nabakunahan ilalom sa A4-Tourism Category nga nagsugod kaniadtong Hunyo 30, 2021 ug natapos kagahapong adlawa Hulyo 20, 2021.
Nahimong malampuson ang maong kalihukan sa tabang sa lokal nga kagamhanan, Industry Associations, Volunteers ug Vaccinees.
Gikanayong tumong sumala pa sa Tourism Industry nga maangkon ang daghanang mga indibidwal nga mabakunahan sa umaabot pa nga panahon ilabi na kung bastante na ang supply sa bakuna.
Kahinumduman nga sakop sa tourism industry ang mga sakop sa Media.
