Padayon pa ang gihimong imbistigasyon sa mga otoridad sa Asuncion Davao Del Norte kabahin sa nahitabo nga disgrasya kaganihang buntag human gidaro sa sakyanan ang usa ka bakery.
Subay sa inisyal nga impormasyon kalit lamang nga gibangaan ang usa ka bakeshop sa usa ka Mini Van nga nahimutang sa Brgy. Cambanogoy, Asuncion, Davao del Norte.
Tungod sa nahitabo, nakamugna og dakong danyos ngadto sa bakery nga miresulta sa pagkatag usab sa mga pan nga anaa sa estante.
Samtang nabalintong usab ang sakyanan atol sa maong panghitabo. Samtang ginasubay usab ang kahimtang sa drayber sa Mini Van ug nga trabahante sa nasampit nga establisemento.
Nagpahimangno karon ang mga otoridad nga maghinay-hinay lamang sa pagpadagan sa mga sakyanan panahon sa mga pag-ulan tungod sa danlog nga kadalanan aron malikay sa disgrasya.
