DAVAO CITY – Gikabutyag ni political analyst Ramon Belleno III sa pakighinabi sa Bombo Radyo Davao nga hamubo lamang ang posibildad nga mahitabo ang maritime conflict tali China sa hisgutanang teritoryo sa giilugang kadagatan sa West Philippine Sea.
Sumala pa, mas dagko matud pa ang mamahimong panagbangi nga mahitabo tali sa kanhi kaalyado niining nasud nga Taiwan.
Kana subay sa nahitabong pagpamando ni Chinese President Xi Jin Ping sa iyang pwersa militar alang sa posibleng pag-ulbo sa gubat sa kadagatan.
Dugang pa ni Belleno, mas gipasibaw pa sa Pilipinas ang diplomasya pinaagi sa malinawong pagpadangat og diplomatic protest batok sa China.
Pagtuo pa ni Belleno nga nakasinati ang China og pressure ilabi na sa daghanang mga kanasuran nga nagpaabot og suporta alang sa hisgutanang territorial dispute sa Pilipinas sama mga mutual defense treaties tali Estados Unidos, Japan, ug ang bag-uhay lamang nga nasud Australia.
Sa laing bahin, gikanayon sab ni Belleno nga nunot sa nahimong pangantsaw ni Supreme Court Senior Associate Justice Antonio Carpio sa nahimong pag-atubang ni Former President Rodrigo Duterte sa isyu sa maong teritoryo, nagtuo kini nga taliwala pa man sa gihuptan nga mga pagpamatuod sama sa nahimong hukom sa 2016 Tribunal Court, gipahupa lamang ni Duterte ang sitwasyon pinaagi sa pakig-amigo niini.
Apan, subling nausab ang tensyon tali sa mga Tsino ug mga Pilipino sa West Philippine Sea atol sa paglingkod sa Marcos Jr. administration.
