DAVAO CITY – Molungtad ug unom ka bulan hangtud sa usa ka tuig aang hini-usa nga pagtuon sa Department of Public Works and Highways ug Japan International Cooperation Agency (JAICA) alang sa pagmugna sa Davao River master Plant.
Sugdan ang joint study sa unang quarter o sa ikaduhang quarter sa sunod tuig.
Tinguha niini mao ang pagpangita ug pamaagi aron nga mahatagan ug sulbad ang mga pagbaha ug ang paspas nga pagsaka sa tubig baha matag panahon nga mobunok ang kusog nga mga pag-ulan.
Nasayran gikan kang DPWH Spokesperson Den Ortiz hatagan ug pagtagad sa Davao river master plan ang Matina Pangi river ug ang Talomo river ug ang pagpalambo sa drainage system.
Kahinumduman nga ang nahisgutan nga mga suba nakakalas na sab ug ubay-ubay nga mga kinabuhi gumikan kay dali gilayon kini nga mo-awas panahon nga mokusog ang ulan ug ang mga balay sa mga residente daplin sa nahisgutan nga suba gipang-anod sa tubig baha.
