Nag-landfall na ang Super Typhoon Uwan sa Dinalungan, Aurora.
Sumala sa Philippine Atmospheric, Geophysical, and Astronomical Services Administration (PAGASA), misugod ang landfall sa bagyo alas 9:10 sa gabii sa Domingo sa Dinalungan.
Napabilin sa bagyo ang kusog sa hangin nga 185 kilometro kada oras ug huyop nga moabot sa 230 kilometro kada oras, samtang naglihok kini paingon sa northwest sa tulin nga 30 kilometro kada oras.
Nakatakda gihapon ang Signal No. 5 sa mosunod nga mga lugar: Nagtipunan sa Quirino; Alfonso Castañeda, Dupax del Norte, Dupax del Sur sa Nueva Vizcaya; Bongabon, Carranglan, Pantabangan sa Nueva Ecija; San Luis, Baler, Maria Aurora, Dipaculao, Dinalungan, Casiguran sa Aurora.
Nagpahimangno usab ang PAGASA sa posibleng storm surge sa mga baybayon nga lungsod ug mga barangay.
