Nag landfall na si Bagyong Tino nga adunay international name nga Kalmaegi sa munisipalidad sa Silago, Southern Leyte pasado alas-12 kaganihang kadlawon.
Subay sa datos sa Philippine Atmospheric, Geophysical and Astronomical Services Administration (PAGASA), nakita ang sentro sa bagyo nga anaa duol sa Mahaplag, Leyte.
Samtang napabilin gihapon niini ang kusog sa hangin nga 150 kilometrosmatag oras ug paghaguros hangtod 205 kph. Milihok ang bagyo pakasagpan sa kusog nga 30 kph.
Kahinumduman nga una ng ang red alert status sa Caraga Regional Disaster Risk Reduction and Management Council (RDRRMC) gikan sa blue alert), isip tubag sa padayon nga pag-ulan nga dala sa Bagyong Tino.
Sumala ni Ronald Anthony Briol, tigpamaba sa Office of the Civil Defense (OCD)-Caraga,ug ubang bahin sa Visayas nga fully activated na ang tanan nga mga kawani gikan sa nagkadaiyang ahensya sa pagtubag aron magpatuman og full emergency response.
Subay sa labing bag-ong report, dul-an 17,000 ka indibidwal na ang apektado sa daot nga panahon.
Sa pagkakaron, abli na ang mga evacuation center sa Surigao del Norte ug Dinagat Islands alang sa mga residente nga gipahikling. Mokabat sa 43 ka mga lungsod ug munisipalidad sa rehiyon ang nagkansela sa klase kagahapong adlawa, samtang 28 ang nagsuspinde sa trabaho.
Nagpadayon gihapon ang kusog sa Bagyong Tino samtang kini nagalihok pa-kasadpan sa kabaybayunan sa Philippine Sea. Ang sentro sa bagyo anaa sa 235 kilometros sa sidlakang-kasadpan sa Guiuan, Eastern Samar.
Kini nga bagyo ang adunay labingkusog nga hangin nga moabot sa 120 kilometros matag oras duol sa sentro, ug pagpanalipod o paahaguros sa hangin nga moabot sa 150 kilometros matag oras.
Nagalihok kini pa-kasadpan sa 25 kilometro matag oras. Signal No. 4: Pipila ka bahin sa Dinagat Islands, Siargao, ug Bucas Grande Islands. Signal No. 3: Habagatan sa Eastern Samar ug Samar, tunga ug habagatan nga bahin sa Leyte, Southern Leyte, tunga nga bahin sa Cebu apil ang Camotes Islands, ug sidlakang bahin sa Bohol.
Signal No. 2: Habagatan sa Masbate, tunga nga bahin sa Eastern Samar ug Samar, nahibilin nga bahin sa Leyte, Biliran, Bohol, Cebu, amihan ug tunga nga bahin sa Negros Oriental ug Negros Occidental, Siquijor, Guimaras, Capiz, Iloilo, habagatan nga bahin sa Aklan, tunga ug habagatan nga bahin sa Antique, ug pipila ka bahin sa Surigao del Sur, Agusan del Sur, Agusan del Norte, ug Camiguin.
Signal No. 1: Albay, Sorsogon, nahibilin nga bahin sa Masbate, habagatan nga bahin sa Quezon ug Marinduque, ug Romblon.
