Mas mikusog pa ang bagyo nga anaa sa sidlakan nga bahin sa Pilipinas ug gisulod na kini sa typhoon category.
Ang bagyo nga adunay international name nga “Sinlaku” (kaniadto LPA) nagpabilin sa gawas pa sa Philippine Area of Responsibility (PAR) ug wala pa’y direktang epekto sa nasud.
Sa pagkakaron, naa kini sulod sa Tropical Cyclone Monitoring Domain (TCID) ug padayon nga gibantayan sa mga eksperto.
Base sa international trackers, ang bagyo adunay kusog sa hangin nga moabot sa 140 km/h duol sa sentro ug paghaguros nga moabot sa 220 km/h, samtang hinay ang lihok niini padulong sa north-northeast.
Ang sentro niini gibanabanaan nga anaa sa 930 km habagatang-sidlakan sa Guam.
Nagsugod ang Typhoon Sinlaku isip Low Pressure Area niadtong Abril 9, ug nahimong Tropical Depression, Tropical Storm, hangtod miabot sa Typhoon category karong Abril 11.
Ang kusog sa bagyo kabahin sa 2026 Western Pacific typhoon season nga gikabalak-an nga mahimong aktibo tungod sa kasamtangang kondisyon sa dagat ug sa palibot niini.
