Nagpadayon ang kusog sa Bagyong Josie human kini misulod sa karagatang sakop sa Pilipinas, samtang padayon nga ginabantayan sa mga meteorologo ang lihok niini. Sumala pa sa state weather bureau, ang sentro sa bagyo katapusang namatikdan sa gilay-on nga 1,085 kilometro sa sidlakan sa Eastern Visayas.
Matod pa, nagalihok ang Bagyong Josie paingon sa amihanan-kasadpan sa gikusgon nga 25 kilometro matag oras, uban sa padayon nga kusog sa hangin nga 65 kilometro matag oras duol sa sentro ug mga pagbugso nga moabot sa 80 kilometro matag oras. Dugang pa niini, tungod sa epekto sa Habagat, gilauman ang pag-ulan sa mga probinsiya sa Ilocos Norte, Ilocos Sur, ug La Union.
Lakip sa posibleng maapektuhan ang Metro Manila ug uban pang bahin sa nasud, diin gilauman ang localized thunderstorms nga mahimong hinungdan sa kalit nga kusog nga pag-ulan, kilat ug dalugdog. Sa pagkakaron, nag-awhag ang state weather bureau sa publiko nga magmatngon batok sa posibleng pagbaha ug pagdahili sa yuta, ilabina sa mga lugar nga kasagarang maigo sa kusog ug padayon nga pag-ulan.
