-- ADVERTISEMENT --
Ginumpirma sa Philippine Atmospheric, Geophysical and Astronomical Services Administration (PAGASA) nga migawas na sa Philippine Area of Responsibility (PAR) ang bagyong Isang kagahapong adlawa Sabado.
Base sa pinakabag-ong taho, nagpabilin kini nga adunay kusog nga hangin nga 65 km/h ug gikusgon nga 80 km/h samtang misikad pa-kasapdan sa 25 km/h.
Bisan wala na kini sa sulod sa PAR, gipalig-on gihapon niini ang habagat nga nagdala og pag-ulan sa pipila ka parte sa Luzon, Visayas ug Mindanao.
Una nang gibutang sa Tropical Cyclone Wind Signal No. 1 ang pipila ka lugar sa Northern Luzon sama sa Ilocos Region, Cordillera ug bahin sa Cagayan Valley.
Gipasidaan gihapon ang publiko nga magmatngon batok sa pagbaha, landslide, ug kusog nga hangin.
-- ADVERTISEMENT --
