Nag-landfall na ang Bagyong Emong sa lungsod sa Agno sa lalawigan sa Pangasinan.
Sumala sa Philippine Atmospheric, Geophysical and Astronomical Services Administration (PAGASA), mga alas 10:40 sa gabii, ilang natala ang pag-landfall sa maong bagyo.
Tungod niini, gilauman sa PAGASA nga hinay-hinayon na og kahuyang ang bagyo human kini misangko sa yuta.
Apan ila usab gibabala nga magpadayon gihapon ang kasinatiang kusog nga pag-ulan tungod sa epekto sa bagyo.
Samtang misaka sab ang ihap sa mga lugar sa nasud nga nideklarar og State of Calamity tungod sa epekto sa bagyong Crising ug Habagat. Diin napuno na niini ang Meycauayan City, Bulacan.
Sa samang higayon, nideklarar usab og state of calamity ang dakbayan sa Marikina tungod sa padayon nga nasinati nga epekto sa bati nga lakat sa panahon.
Matud pa ni Marikina Mayor Maan Teodoro nga tumong sa pagdeklarar og state of calamity aron mapadali ang pag-apod-apod sa mga hinabang ngadto sa mga apektadong residente.
Gawas sa nahisgutang mga dapit, ang mga dapit sa Cainta, Rizal; Calumpit, Bulacan; Manila; Quezon City; Ang Malabon City, Dagupan City ug Cavite mideklarar usab og state of calamity.
