DAVAO CITY – Mapasalamaton ang ahensiya sa Department of Environment and Natural Resources (DENR)-11 gumikan kay daghanan pa karon nga mga langgam ang nadiskobrehan sa Mt. Apo dungan sa gipatuman nga “Off Season” o dili una pasudlan ug pasakahan sa mga climbers.
Kahinumduman nga una ng natala ang 46 ka avian species, diin 26 niini ang endemic sa Pilipinas samtang upat ang gikunsiderang hapit na nga mahurot ang kaliwat sa langgam. Una kini nga namatikdan sa Mt. Apo pinasikad sa gipahigayon nga Biodiversity Monitoring System (BMS) activity.
Naila sumala pa ang nahisgutan nga mga langgam nga Mindanao Lorikeet, Mindanao Jungle Flycatcher, Apo Sunbird ug Grey-hooded Sunbird.
Gikanayong ubos na lamang sumala pa ang maong species butang nga gipahugtan karon sa DENR ang mga lakang aron nga ma-protektahan lamang ang mga kaliwat niini.
Una ng gibutyag ni DENR-11 Information Officer Jayvee Agas nga natakampo gayud ang “off season” o temporaryo nga paghunong sa mga aktibidad sa Mt. Apo gumikan kay gawas nga ma-protektahan ang mga hayop mapanalipdan sab ang mga nagkadaiyang pananom sa lugar.
Kahinumduman nga una ng nasunog ang Mt. Apo pipila ka tuig na ang milabay nga maoy hinungdan nga temporaryo kini nga gipasirad-an sa mga trekkers.
