DAVAO CITY – Ilusad sa Bagong Alyansang Makabayan Southern Mindanao atol sa kasumaran sa Enhance Defense Cooperation Agreement (EDCA).
Sumala pa kang Bayan SMR Secretary General Sheena Duaso padayon ang ilang panawagan nga pagbasura sa EDCA ug pagwagtang sa Balikatan Exercise nga mao ang naghatag ug gahum sa Estados Unidos nga makapanghilabot sa Estados Unidos.
Hugtanon ang ilang panawagan sa Stop US War On Terror gumikan kay alang kanila ang Estados Unidos ang tinuod nga terorista, diin pamatuod niini ang Abu Sayyaf Group nga gisuportahan sa US Government labi na ang Central Intelligence Agency (CIA) nga kakunsabo sa mga dagku nga mga opesyal sa nasod Pilipinas.
Kini pinasikad sa gipahigayon nga pagtuon sa Kawhagit Moro Human Rights Alliance, usa ka organisasyon nga nakabasi sa Central Mindanao.
Ipahigayon ang lihok protesta karong Abril 28 mga alas 8:00 sa buntag sa Freedom Park, samtang duna say ipahigayon nga Mindanaowide Forum ang Suara Bangsa Moro labot sa US War On Terror.
