DAVAO CITY – Gipapha karon sa lokal nga kagamhanan ang tumang kabalaka sa katawhang Dabawenyo labot sa report sa mga positive cases sa bag-ong variant sa covid 19 sa pipila ka bahin sa nasud partikular na sa silingan lamang nga syudad nga mao ang Cagayan de oro city.
Gikanayon ni Davao City COVID-19 Task Force Spokesperson Dr. Michelle Schlosser, walay natala ang dakbayan sa dabaw sa unsa mang kaso sa highly transmissible nga Delta variant.
Sumala pa niini, gipatuman karon sa syudad ang heightened security measures may kalabutan sa prevention, detection, isolation, ug reintegration aron mababagan ang posibling transmission sa nahisgutang bag-ong Covid-19 variant sa syudad.
Mas gipahugtan karon sa mga otoridad ang gipatumang safety protocols sa mga entry points sa syudad ilabi na sa mga mosulod pinaagi sa sea, ug air travel.
Gipatuman lamang gihapon alang sa mga mosulod sa syudad ang pagsubmiter ug negative RT-PCR results sulod sa 72 oras aron masiguro nga wala kini nagdala g virus.
Gumikan usab sa bag-ong variant, mas gihatagan nila ug gahum ang Barangay Health Emergency Response Team (BHERT), ilabi na ang pag-monitor sa mga bag-ong tawo sa ilang komunidadm ug seguraduhong hugtanon kini nga namonitor human ang gipa-ilalom sa 14-day quarantine.
