DAVAO CITY – Hugtanon karon ang gihimong monitoring sa ahensiya sa Department of Agriculture XI aron masiguro nga dili makasulod ang G4 virus o bagong klase sa African Swine Flu virus nga gikan sa nasod China ug makatakod sab sa mga tawo.
Sumala pa kang Noel Provido, tigpamaba sa Department of Agriculture (DA-11), gipahugtan pa sa ahensiya ang mga control measures aron lamang mapugngan ang pasgulod sa bag-ong strain sa ASF. Dugang pa ni Provido, nga padayon sab karon ang ilang monitoring sa mga lugar nga una ng naapektohan sa ASF sa milabay nga bulan.
Kahinumduman nga dihang nahitabo ang outbreak sa ASF sa Davao del Sur kaniadtong bulan sa Enero, liboan ka mga baboy ang gipailalom sa depopulation.
Sa kasamtangan nakadawat na ug hinabang ang mga hog raisers nga grabeng naapektohan human nga gipamatay ang ilang mga alagang baboy.
