DAVAO CITY – Gikatakda na nga magsugod sa iyang katungdanan ugmang adlawa ang bag-ong city prosecutor dinhi sa dakbayan nga una ng nanumpa kang Pangulong Rodrigo Duterte.
Gikanayong human ang pipila ka mga tuigan sukad nga namugna, usa ka babaye ang modula sa nahisgutan nga buhatan.
Una ng naila ang nahisgutan nga si Atty. Jhopee Salvador Avanceña kinsa muhulip kang Senior Deputy State Prosecutor Mariza S. Delos Santos-Jaugan, OCP-Davao City officer-in-charge (OIC) nga temporaryong milingkod sa katungdanan sukad nga merito si kanhi city prosecutor Nestor M. Ledesma kaniadtong Pebrero 2021.
Ilalom sa liderato ni Avanceña, langkuban kini sa duruha ka deputy city prosecutors (DCPs) ug 38 assistant city prosecutors (ACPs).
Nagsugod si Avanceña isip legal researcher sa buhatan ni Konsehal Emmanuel Galicia sa Sangguniang Panlungsod kaniadtong 2001 hangtid nga nahimong associate lawyer (2002-2004) sa Tan Tan Salutan ug Vega Law Firm hangtud nga milambo pa kini sa iyang napili nga karera.
Alang kang Davao Regional Prosecutor Janet Grace Dalisay-Fabrero, nanghinaut kini nga mapalig-on pa ug mas more dynamic ang National Prosecution Service-Davao ilalom sa pagdumala sa nahisgutan.
