DAVAO CITY – Lauman nga ma-release ang bag-ong Php 1, 000 banknote sa Davao region, sa bulan sa Oktubre ning tuig kasamtangan, kini matud pa sa usa ka opisyal sa Bangko sentral sa Pilipinas Regional Office in Davao Region (BSP-Davao).
Sumala kang BSP-Davao bank officer Dorothy Diaz, anaa sa 10 milyon kabuok sa bag-ong bank note ang anaa sa Metro manila ug sa National Capital region (NCR) , apan anaa sa kinatibukang 500 milyon piraso ang gikinahanglan aron ma-sirkular kini sa nasud.
Matud pa ang nahabaling 490 milyong piraso, ma-available siya sugod Oktubre 2022 hangtud sa Hunyo sa sunod nga tuig. Ang bag-ong backnote ginama sa polymer ug adunay imahe sa Philippine Eagle ug sampaguita flower sa atubangan imbes sa tulo ka historical figures nga sila Jose Abad Santos, Josefa Llanes Escoda, ug Vicente Lim.
Samtang, Sa likod sa bank note , ang mga hulagway sa South Sea Pearl, Tubbataha Reefs Natural Park ug T’nalak weave gilakip usab gikan sa karaang disenyo sa banknote .
Gitataw ni Diaz nga ang bag-ong disenyo sa bank note dili makapuli ug maka-demonetize sa kasamtangang P1,000 sa tulo ka mga bayani, hinuon dugang desinyo ug i-co-circulate sa daan nga papel de bangko.
