Gilauman nga mas mapalig-on ang katakus sa Police Regional Office (PRO) 11 pinaagi sa idugang nga mga patrol car gikan sa Camp Crame.
Nasayran nga i-turnover sa PNP Camp Crame karong Lunes ang mga sakyanan alang sa Police Regional Office (PRO) Eleven.
Nasayran nga unse ka mga Hi-Lux 4 X 4 pick-up ug usa ka personnel carrier vehicle alang sa Davao del Sur Police.
Sa Davao del Norte lima ka mga sakyanan ang ihatag, tulo sab alang sa Compostela Valley Province.
Sumala pa kang Police Senior Supt. Manuel Marvin Pepino, Director sa Comval Police nga tulo ka mga units ang i-deploy sa lungsod sa Laak, ug Monkayo, ingon man sab sa Provincial Mobile Force Company.
Niining milabay nga Dominggo lamang mibiyahe na padulong sa kaulohang Manila ang mga driver sa sakyanan gikan sa Mobile Unit sa PRO-11.
Sa kasamtangan ginabiyahe na ang mga minarkahan nga mga sakyanan padulong dinhi sa dakbayan sa Davao alang sa turnover ceremony karong Lunes.
