DAVAO CITY – Gilusad na sa Davao City Police Office (DCPO) ang bag-o nila nga lakang aron makunhuran ang kriminalidad sa dakbayan sa Dabaw.
Kini ang gitawag ug Oplan Iron Fortress (Fortification of Residences towards a Restful Environment that is Secured and Safe).
Gikanayon ni DCPO director Police Senior Superintendent Alexander Tagum gisalmutan ang maong tigum sa 600 ka mga stakeholders nga gilangkuban sa mga presidente gikan sa nagkadaiyang homeowners’ association, security officers sa malls ug hotels, ingon man barangay chairmen.
Ang nahisgutan nga programa sa kapulisan nagbaton ug duruha ka bahin nga gilangkuban sa community empowerment ug public awareness campaign.
Punterya sa Oplan Fortress ang mga kabalayan ug mga subdivisions nga sagad biktima sa mga kawatan ug kriminal.
Una ng gibutyag ni Tagum nga mohatag sila ug inisyal nga 1,000 ka kopya sa personal home family security handbook o manual nga gi-undan sa contingency action checklist ingon man tips aron nga batukan ang kriminalidad ug malikayan nga mamahimong biktima sa krimen.
